2026 میں آئی فونز کو متعارف کروانے کا روایتی طریقہ بدلنے والا ہے؟

ایپل کی جانب سےصارفین کیلئے خوشخبری، نئے آئی فونز متعارف کروانے کے برسوں پرانے سلسلے کو بدلنے کی منصوبہ بندی سامنےآگئی۔
بلوم برگ کی رپورٹ کے مطابق ایپل کی جانب سے 2026 میں سٹینڈرڈ آئی فون 18 پیش نہیں کیا جائے گا، بلکہ اسے بعد میں جاری کیا جائے گا، تاکہ ملازمین پر دباؤ کم ہوسکے اور آمدنی میں اضافہ ہو۔
رپورٹ میں بتایا گیا ہے کہ 2026 میں کمپنی کی جانب سے صرف آئی فون 18 پرو ماڈلز متعارف کروائے جائیں گے، یعنی آئندہ برس 2026 میں پرو ماڈلز کے ساتھ کمپنی کی جانب سے پہلا فولڈ ایبل آئی فون بھی پیش کیا جائے گا۔یہ فولڈ ایبل فون حالیہ برسوں میں کمپنی کی جانب سے متعارف کروائی جانیوالی اہم ترین ڈیوائس ہوگی۔
آئی فون 18 سیریز کے دیگر ماڈلز مارچ اور مئی 2027 کے درمیان کسی وقت متعارف کروائے جائیں گے۔ان میں سٹینڈرڈ آئی فون 18، 18 ائیر اور 18 ای شامل ہوں گے۔برسوں سے ایپل کی جانب سے نئے آئی فونز کو ستمبر میں ایک ایونٹ کے دوان پیش کیا جاتا ہے،البتہ ایس ای یا ای ورژنز کے آئی فونز کو نئے سال کے شروع میں متعارف کروایا جاسکتا ہے۔
مختلف لیکس کے مطابق فولڈ ایبل آئی فون میں کیمرا ڈسپلے کے اندر نصب ہوگا ،جبکہ وہ بک سٹائل کا ہوگا، یعنی صارفین ڈسپلے کو کسی کتاب کی طرح کھول یا بند کرسکیں گے۔
کچھ رپورٹس کے مطابق پہلا فولڈ ایبل آئی فون 7.9 سے 8.3 انچ تک بڑا ہوسکتا ہے،یہ فولڈ ایبل آئی فون لچکدار او ایل ای ڈی ڈسپلے سے لیس ہوگا اور ہزاروں بار کھولنے بند کرنے سے بھی اسے نقصان نہیں پہنچے گااوراس کے اندر نیا طاقتور پراسیسر ہوگا، جبکہ کیمرا سسٹم بھی بہترین ہوگا۔