دنیا کے سب سے مہنگے ڈائمنڈ آئی فونز 17 فروخت کیلئے پیش

ایپل کے صارفین کیلئے اہم خبر،دنیا کے سب سے مہنگے ڈائمنڈ اور گولڈ سے بنےآئی فونز 17 فروخت کیلئے پیش،اپنے کسٹم سمارٹ فونز اور واچز کیلئے مشہورلگژری ٹیک برانڈ  کویویار (CAVIAT)  نے آئی فون 17 سیریز کیلئے اپنی نئی گولڈ کلیکشن متعارف کروا دی ۔
اس خصوصی کلیکشن میں تین منفرد ماڈلز شامل ہیں، جنہیں مکمل طور پر 18 قیراط سونے سے تیار کیا گیا ہے اور ان کی قیمت 67 ہزار امریکی ڈالرسے زائد ہے، ہر ماڈل کی پیداوار انتہائی محدود ہوگی، جس کی وجہ سے یہ فونز دنیا کے سب سے نایاب سمارٹ فونز میں شمار کیے جاتے ہیں۔اس کلیکشن میں پاملیٹ ماڈل کا ڈیزائن متحدہ عرب امارات کے کھجور کے درختوں اور آرٹ ڈیکو طرزِ تعمیر سے متاثر ہے، اس کا 18 قیراط سونے کی باڈی خوبصورت کھجور کے پتوں کے نقش سے مزین ہے، جبکہ 100 سے زائد ہیرے ہاتھ سے لگائے گئے ہیں، ایپل کا لوگو بھی مکمل ہیرا سے جڑا ہوا ہے۔
کویویار کے مطابق یہ ایڈیشن مشرقی فن اور فنِ تعمیر کا نفیس امتزاج پیش کرتا ہے اور اس کی قیمت 72ہزار500 امریکی ڈالر سے شروع ہوتی ہے۔اس کے علاوہ بٹ کوائن ایڈیشن ڈیجیٹل کرنسی کی بڑھتی ہوئی مقبولیت کو ظاہر کرتا ہے، اس کے سونے کے فریم کے درمیان ایک اُبھرا ہوا بٹ کوائن علامت نصب ہے اور اس کے بیرونی حصہ پر کریپٹوگرافک پیٹرنز بنے ہیں، جو ڈیجیٹل دولت اور مالی آزادی کی نمائندگی کرتے ہیں۔ یہ ماڈل خاص طور پر کلیکٹرز اور کرپٹو شوقین افراد کیلئے ڈیزائن کیا گیا ہے اوراس کی قیمت 67ہزار640 امریکی ڈالر سے شروع ہوتی ہے۔
تیسراسولر ایڈیشن ایک ٹھوس سونے کے انگوٹ کی مانند نظر آتا ہے ، جس کے درمیان میں ہیرے جڑا ہوا ایپل لوگو ہے۔
کویویار کے مطابق یہ ماڈل سونے کی قدرتی چمک اور مضبوطی کا خراج تحسین ہے اور اس کی قیمت 71ہزار70 امریکی ڈالر سے شروع ہوتی ہے۔یہ کلیکشن لگژری سمارٹ فونز کی دنیا میں کویویار کے انوکھے انداز اور مہارت کی مثال ہے، جو ٹیکنالوجی کے شوقین، کلیکٹرز اور ان افراد کیلئے ہے ،جو بے مثال اور مہنگے فونز رکھنا پسند کرتے ہیں۔