برطانیہ : 15 سال میں سب سے شدید اورریکارڈ توڑ کڑاکے کی سردی

برطانیہ میں سردی نے15سالہ ریکارڈتوڑدیا،درجہ حرارت منفی 12سینٹی گریڈ تک گرنے کی وجہ سے سردی کی شدید لہر نے جنم لیا۔
برطانوی ذرائع ابلاغ کےمطابق برطانیہ کے مختلف علاقوں نے برف کی سفید چادر اوڑھ لی،15 سال کی سب سے شدید سردی نے لوگوں کو سنگین مسائل سے دوچار کر دیا۔ درجہ حرارت منفی 12سینٹی گریڈ تک گرنے کی وجہ سے سردی کی شدید لہر نے جنم لیا۔ بیشتر برطانوی تعلیمی اداروں پر تالے پڑ گئے۔
برطانوی ذرائع ابلاغ کی رپورٹس کے مطابق درجہ حرارت میں مسلسل گراوٹ کے باعث سکولوں میں طالبعلموں، گھروں میں بزرگ افراد اور ہسپتالوں میں مریضوں کو بھی مسائل کا سامنا ہے۔شمالی سکاٹ لینڈ میں 11 جنوری کے بعد برطانیہ کا سب سے کم ترین درجہ حرارت ریکارڈ کیا گیا، جو 12 اعشاریہ 6 منفی سینٹی گریڈ تھا۔
ویلز میں 7 اعشاریہ 2، انگلینڈ میں 6 اعشاریہ7، شمالی آئرلینڈ میں منفی 6 سینٹی گریڈ تک درجہ حرارت گرنے کی وجہ سے درجنوں تعلیمی اداروں کو بند کرنا پڑ گیا۔
بارشوں اور برفباری کے باعث پیمبروک شائر، کارمارتھن شائر اور سیریڈیجن میں درجنوں سکولز کو بندکر دیا گیا ہے۔دوسری طر ف یوکے ہیلتھ میٹ آفس کی طرف سے آج بھی برف باری کا سلسلہ جاری رہنے کا امکان ظاہر کیا گیا ہے۔