پنجاب میں مرغیوں کےدانےمیں گندم کےاستعمال پرپابندی میں مزیدتوسیع

پنجاب میں مرغیوں کےدانےمیں گندم کےاستعمال پرپابندی میں مزید30روزکی توسیع کردی گئی۔
ترجمان محکمہ داخلہ پنجاب کاکہناہےکہ صوبےمیں مرغیوں کےدانےمیں گندم کےاستعمال پردفعہ 144نافذ کی گئی تھی جس میں اب مزید30دن کی توسیع کی گئی ہے۔یہ فیصلہ انسانی استعمال کے لیے گندم کی بلا تعطل فراہمی یقینی بنانے کے پیش نظر کیا گیا ہے، جس کے تحت حکومت پنجاب نے صوبہ بھر کی فیڈ ملز میں گندم کے استعمال پر عائد پابندی میں توسیع کر دی ہے۔
پنجاب میں فیڈ ملز کے پاس ایک لاکھ میٹرک ٹن سے زائد گندم کا ذخیرہ موجود ہے۔ سیکرٹری پرائس کنٹرول کی رپورٹ کے مطابق فیڈ ملز گندم کو مرغیوں کے دانےکے طور پر استعمال کرنے والی تھیں، حالانکہ گندم انسانوں کی بنیادی خوراک ہے اور اسے آٹے کی تیاری کے لیے استعمال ہونا چاہیے۔