سال 2026 کا پہلا سپر مون کب ہوگا؟اہم خبرآگئی

نئے سال میں سپرمون کے دلکش نظارے، سال 2026 کا پہلا سپر مون کب ہوگا؟اہم خبرآگئی۔
فلکیاتی شائقین کے لیے سال 2026 کا آغاز ایک دلکش اور یادگار فلکیاتی مظاہرے کے ساتھ ہونے جا رہا ہے۔
ماہرین کے مطابق نئےسال پرمکمل چاند 3 جنوری 2026 کو اپنی بھرپور روشنی اور جسامت کے ساتھ نمودار ہوگا، جسے روایتاً وولف مون کہا جاتا ہے۔ یہ دل فریب منظر سورج غروب ہونے کے فوراً بعد آسمان پر دیکھا جا سکے گا۔ اس موقع پر چاند زمین کے قریب ترین مقام پر ہوگا، جس کے باعث وہ عام مکمل چاند کے مقابلے میں زیادہ بڑا اور روشن دکھائی دے گا۔
فلکیات کے ماہرین کا کہنا ہے کہ سپر مون کے دوران چاند کی چمک آسمان کو ایک مسحور کن اور دلکش منظر میں تبدیل کر دیتی ہے، جس سے لطف اندوز ہونے کے لیے کسی خاص آلات کی ضرورت نہیں ہوتی۔
ماہرین کے مطابق سال 2026 میں اس کے بعد مزید دو سپر مون بھی دیکھنے کو ملیں گے، جو نومبر اور دسمبر میں نمودار ہوں گے۔ یہ شاندار فلکیاتی مناظر نہ صرف فلک شناسوں بلکہ عام افراد کے لیے بھی ایک یادگار تجربہ ثابت ہوں گے۔
فلکیاتی ماہرین نے مشورہ دیا ہے کہ بہتر مشاہدے کے لیے شائقین شام کے وقت کھلی جگہوں اور صاف افق والے علاقوں کا انتخاب کریں، تاکہ سپر مون کے طلوع کا مکمل اور روشن منظر بآسانی دیکھا جا سکے۔