دنیا کی کس ایئرلائن کا عملہ سب سے شائستہ ؟ نئی فہرست جاری

فضائی مسافروں کیلئے اہم خبر،دنیا کی کس ایئرلائن کا عملہ سب سے شائستہ ہے؟ نئی فہرست جاری کردی گئی۔
رواں سال2025 میں فضائی مسافروں کی رائے کی بنیاد پر سعودی ایئر لائنز کے کیبن کریو کو دنیا کا بہترین عملہ قرار دیا گیا ہے۔اس فہرست میں دیگر چار ایئر لائنز بھی شامل ہیں، جن کے بارے میں مسافروں نے مثبت فیڈبیک دیا۔ ان میں سنگاپور ایئرلائنز، قطر ایئر ویز، ورجن اٹلانٹک اور ایئر نیوزی لینڈ شامل ہیں۔
رپورٹ میں بتایا گیا ہے کہ سعودی ایئر لائن کا عملہ پرواز کے دوران پرسکون اور شائستہ انداز میں مسافروں کو بہترین خدمات فراہم کرتا ہے۔ مسافر طویل اور مختصر دونوں پروازوں میں یکساں اعلیٰ معیار کی سروس پر مطمئن نظر آئے۔اس کے علاوہ سنگاپور ایئرلائنز اور قطر ایئر ویز نے اپنی مستحکم اور منظم کیبن سروس کیلئے پذیرائی حاصل کی ہے، جبکہ ورجن اٹلانٹک اور ایئر نیوزی لینڈ کے عملے کو دوستانہ اور خوشگوار ماحول فراہم کرنے پر سراہا گیا۔
رپورٹ کے مطابق یہ ایئر لائنز ناصرف سفری تجربے کو آرام دہ بناتی ہیں، بلکہ مسافروں کو محفوظ اور خوشگوار سفر کی ضمانت بھی دیتی ہیں۔