آئی سی سی کی طرف سے ثنامیر کیلئے بڑا اعزاز

0
32

پاکستان ٹوڈے:انٹرنیشنل کرکٹ کونسل کی طرف سے ثنامیر کیلئے بڑا اعزاز۔

تفصیلات کے مطابق ثنا میر کو آئی سی سی ویمنز ٹی ٹوئنٹی ورلڈ کپ کوالیفائر کی سفیر مقرر کر دیا گیا,آئی سی سی نے گزشتہ روز پاکستان کی سابق کپتان ثنا میر کو آئی سی سی ویمنز ٹی ٹوئنٹی ورلڈ کپ کوالیفائر کیلئے سفیر مقرر کر دیا۔ثنا میر نے 137 بین الاقوامی میچز میں پاکستان کی کپتانی کی اور اب وہ 10 ٹیموں کے ٹورنامنٹ کی نگرانی کریں گے ۔

جہاں دونوں فائنلسٹ بنگلہ دیش میں ہونیوالے ویمنز ٹی ٹوئنٹی ورلڈ کپ کیلئے کوالیفائی کریں گی۔سابق خاتون کپتان نے ایک سفیر کے طور پر ٹورنامنٹ کا حصہ بننے پر جوش کا اظہار کیا ہے اور امید ظاہر کی کہ وہ کرکٹ کے زبردست ایکشن کا مشاہدہ کریں گے۔

ثنا میر کا کہنا ہے کہ دو ٹیموں کیلئے قابلیت کے بڑے موقع کے علاوہ یہ ٹورنامنٹ ایسوسی ایٹ ممبر ٹیموں اور ان کے کھلاڑیوں کو بہترین نمائش فراہم کرے گا۔

Leave a reply