اسلام آباد کے تعلیمی ادارے 8 جنوری تک بند رکھنے کا اعلان

وفاقی دارالحکومت کے طلبا کیلئے اہم خبر،فیڈرل ڈائریکٹوریٹ آف ایجوکیشن نے سردیوں کی تعطیلات کا اعلان کردیا۔
اسلام آباد کےتعلیمی اداروں میں نئے سال میں 9جنوری2025 سے دوبارہ کلاسز کا آغاز ہوگا۔فیڈرل ڈائریکٹوریٹ آف ایجوکیشن کے ماتحت تعلیمی ادارے 30 دسمبر 2024 سے 8 جنوری 2025 تک بند رہیں گے۔
نوٹیفکیشن کے مطابق اسلام آباد میں تعلیمی سرگرمیاں 9 جنوری 2025 سے دوبارہ شروع ہوں گی۔فیڈرل ڈائریکٹوریٹ آف ایجوکیشن نے تعلیمی اداروں کے سربراہان کو تعطیلات کے دوران تعلیمی معیار کو بہتر بنانے کیلئے جامع منصوبے تیار کرنے کی بھی ہدایت کی ہے۔اس سے قبل پنجاب کے سکولوں میں موسم سرما کی تعطیلات کی تاریخ تبدیل کردی گئی۔
اعلامیے کے مطابق سردیوں کی چھٹیوں کا آغاز23 دسمبر سے ہوا،جبکہ تمام سکولز 13جنوری 2025 کو چھٹیوں کے بعد دوبارہ کھلیں گے۔