اسٹیبلشمنٹ سے بیک ڈور رابطوں کی ضرورت ہے نہ ہی ہم کر رہے ہیں: بیر سٹر سیف

مشیر اطلاعات خیبر پختونخوا اور پی ٹی آئی رہنما بیرسٹر محمد علی سیف نے کہا ہے کہ اسٹیبلشمنٹ سے بیک ڈور رابطے نہیں کر رہے۔

مشیر اطلاعات خیبر پختونخوا بیر سٹر محمد علی سیف نے کہا ہے کہ اسٹیبلشمنٹ سے بیک ڈور رابطوں کی ضرورت ہے نہ ہی ہم کر رہے ہیں۔

بیرسٹر سیف نے کہا کہ عسکری حکام حکومتی فیصلوں کے حوالے سے وزیر اعلیٰ سے رابطے میں ہیں، عسکری حکام سے رابطے جاری رہنے بھی چاہیں تاہم اسٹیبلشمنٹ سے بیک ڈور رابطوں کی ضرورت ہے نہ ہی ہم کر رہے ہیں۔

انہوں نے کہا کہ اپنے مقصد کیلئے براہ راست رابطے رکھتے ہیں، عمران خان نے ملک میں سیاسی استحکام چاہنے والوں سے بات چیت کا کہا ہے بیر سٹر سیف کا کہنا تھا کہ ریاست کی خرابی کے ذمہ دار (ن) لیگ اور پیپلز پارٹی کے رہنما ہیں، عمران خان نے دونوں جماعتوں سے رابطہ رکھنے کی ہدایت کی ہے۔