امن و امان کی بگڑتی صورتحال، پنجاب میں سرکاری ونجی تعلیمی ادارےبند

امن و امان کی بگڑتی صورتحال کےپیش نظرپنجاب بھرمیں سرکاری ونجی تعلیمی ادارےدودن کےلئے بندکردئیےگئے۔نوٹیفکیشن جاری کردیاگیا۔
وزیرتعلیم پنجاب راناسکندرحیات نےامن و امان کی بگڑتی صورتحال کےپیش نظر صوبےبھرکے تعلیمی اداروں میں 2 دن کی چھٹیوں کا اعلان کردیا۔جس کاباقائدہ نوٹیفکیشن جاری کردیا۔

نوٹیفکیشن کےمطابق تمام تعلیمی ادارے جمعہ اور ہفتہ بند رہیں گے۔ تمام نجی و سرکاری تعلیمی ادارے 9 اور 10 مئی کو بند رکھے جائیں گے۔
نوٹیفکیشن میں کہاگیاکہ چھٹیوں کے احکامات تمام سکول، کالجز اور یونیورسٹیوں کیلئے ہیں۔ پنجاب بھر کے سکول، کالج اور یونیورسٹیاں اتوار تک بند رہیں گی۔ پیر 12 مئی سے تدریسی عمل معمول کے مطابق شروع ہوگا۔