انسانوں کی طرح خوش اور غمگین ہونیوالا روبوٹ متعارف

کیاانسانوں کی طرح روبوٹ بھی خوش اور غمگین ہوسکتا ہے؟انسانوں کی طرح خوش اور غمگین ہونیوالا روبوٹ متعارف،چین نے انسانی جذبات کا اظہار کرنیوالا پہلا روبوٹ تیار کرلیا۔
یہ روبوٹ حیرت انگیز طور پر انسانوں کی طرح خوش اور غمگین ہونے کا اظہار کر سکتا ہے۔اس روبوٹ کو گوآنگوہا نمبر 1 کا نام دیا گیا ہے اور یہ حیرت انگیز طور پر چہرے کے مختلف تاثرات کا اظہار بھی کرسکتا ہے ۔
شنگھائی کی فوڈان یونیورسٹی کا تیار کردہ یہ روبوٹ تقریباً165 سینٹی میٹر لمبا اور 62 کلو گرام وزنی ہے، یہ روبوٹ اپنے ہاتھوں کو آسانی سے حرکت کرنے کیساتھ با آسانی چہل قدمی بھی کرتا ہے،جو انتہائی لچکدار ہے۔
یہ روبوٹ اپنے چہرے پر نصب سکرین پر مختلف جذبات کا اظہار کرتا ہے، جس میں خوشی، غصہ اور اداس رہنا بھی شامل ہے۔
کمپنی کا کہنا ہے کہ انہوں نے اسے چین کی عمر رسیدہ آبادی کے بڑھتے ہوئے مطالبات کو پورا کرنے کیلئے تیار کیا ہے۔
کمپنی منتظمین کے مطابق وہ اس کا آزمائشی ورژن پہلے ہی تیار کرچکے اور اب اسے چین کے مختلف علاقوں میں وسیع پیمانے پر ٹیسٹ کرنے کے بعد اس روبوٹ کی کمرشل پیمانے پر تیاری کر رہے ہیں۔