ایشیاکپ کیلئےبھارت نے15رکنی ٹیم کااعلان کردیا

ایشیاکپ ٹورنامنٹ کےلئے بھارت نےسوریا کمار یادو کی کپتانی میں 15رکنی ٹیم کااعلان کردیا۔
بھارتی کرکٹ بورڈ(بی سی بی) نےمیگاایونٹ ایشیاکپ کیلئے15رکنی اسکواڈ کااعلان کردیا۔
بھارت کے ٹی ٹوئنٹی اسکواڈ میں سوریا کمار یادو کپتان کےفرائض انجام دیں گے جبکہ شبمن گل نائب کپتان ہوں گے۔
اسکواڈ کے دیگر کھلاڑیوں میں ابھیشیک شرما ، تلک ورما، ہاردیک پانڈیا، شیوام دوبے، اکشر پٹیل، جتیش شرما،جسپرت بمرا، ارش دیپ سنگھ ، ورن چکر وتی، کلدیپ یادو، سنجو سیمسن، ہرشیت رانا اور رینکو سنگھ شامل ہیں۔
واضح رہےکہ بھارت کی میزبانی میں ہونےوالا ایشیاکپ رواں سال9ستمبرسے یواےای میں شروع ہوگا ،میگا ایونٹ کےمیچز28 ستمبر تک ابو ظہبی اور دبئی میں جاری رہیں گے،جبکہ ٹورنامنٹ کاہائی پروفائل میچ پاک بھارت ٹاکرا 14 ستمبر کو دبئی میں کھیلا جائے گا۔