حقیقی آزادی مارچ پر درج مقدمات کا معاملہ

پاکستان ٹوڈے کی تفصیلات کے مطابق بانی پی ٹی آئی،شاہ محمود قریشی،شیخ رشید و دیگر کے خلاف مقدمہ

عدالت نے بانی پی ٹی آئی ، شیخ رشید و دیگر ملزمان کی بریت کی درخواست پر فیصلہ محفوظ کرلیا, جوڈیشل مجسٹریٹ ملک عمران نے بریت کی درخواست پر فیصلہ محفوظ کیا۔

سابق وفاقی وزیر شیخ رشید عدالت کے روبرو پیش ہوئے، سابق وفاقی وزیر شیخ رشید نے بریت کی درخواست دائر کی، شریک ملزمان علی نواز اعوان اور صداقت عباسی بھی عدالت پیش ہوئے۔

پی ٹی آئی وکلاء سردار مصروف ایڈوکیٹ ، آمنہ علی، رضوان اختر اعوان اور مرزا عاصم ایڈوکیٹ عدالت پیش، گزشتہ سال فروری میں بریت کی درخواست دائر کی تھی ،ہم اس کیس میں بریت کی درخواست پر آج دلائل دینا چاہتے ہیں۔

صداقت عباسی، علی نواز اعوان اور شیخ رشید کے چالان عدالت میں آگئے ہیں ، یہ ایف آئی آر دفعہ 144 کی خلاف ورزی کے تحت درج کی گئی ہے،اس مقدمے میں کوئی شواہد موجود نہیں ہیں، سی سی ٹی وی فوٹیج وغیرہ کچھ بھی موجود نہیں ہے۔

متعلقہ بندے کی طرف سے مقدمہ درج کروایا ہی نہیں گیا ، سردار مصروف ایڈوکیٹ، پرویز خٹک، اسد قیصر،اسد عمر،علی امین گنڈاپور بھی شریک ملزمان کی فہرست میں شامل ہیں، ملزمان کے خلاف آزادی مارچ سے متعلق تھانہ آئی نائن میں مقدمہ درج ہے۔