حکومت ، اپوزیشن مذاکرات اور روابط میں بڑا بریک تھرو

حکومت ، اپوزیشن مذاکرات اور روابط میں بڑا بریک تھرو ،سپیکر قومی  اسمبلی  کے چیمبرمیں حکومت اور اپوزیشن ارکان کی ملاقات ہوئی۔
ملاقات میں اپوزیشن کی طرف سےوفد میں چیئرمین پی ٹی آئی بیرسٹر گوہر، اسد قیصر اور عامر ڈوگر شریک جبکہ حکومت کی جانب سے وزیراعظم کےسیاسی مشیررانا ثنا اللہ ، طارق فضل چودھری، خالد مگسی اور حنیف عباسی شریک ہوئے۔ملاقات سپیکرقومی اسمبلی ایازصادق کی زیرصدارت ہوئی۔
ذرائع کےمطابق ملاقات میں آل پارٹیز کانفرنس بلانے سے متعلق مشاورت ہوئی،مشترکہ اجلاس سے متعلق فریقین کے درمیان گفتگوہوئی،بلوچستان کی صورتحال پر اتفاق رائے پیدا کرنے کے لئے تجاویززیر غورآئیں، سردار اختر مینگل کے استعفیٰ پر اپوزیشن اور حکومتی وفد میں مشاورت ہوئی۔
ذرائع کاکہناہےکہ ملاقات میں اتفاق کیا گیا کہ بلوچستان میں امن و امان کی خاطر حکومت اور اپوزیشن کو ایک پیج پر ہونا چاہیے۔ ملاقات میں قومی سلامتی کی پارلیمانی کمیٹی کا اجلاس بلانے پر بھی غور کیا گیا۔