سندھ: کوکا کولا نے میگواڑ میں سولر واٹر فلٹریشن پلانٹ نصب کردیا

0
19

پاکستان ٹوڈے: کوکا کولا پاکستان نے سندھ کے علاقے عمر کوٹ میں واقع گاؤں میگواڑ میں سولر واٹر فلٹریشن پلانٹ نصب کردیا۔

تفصیلات کے مطابق اس واٹر فلٹریشن پلانٹ منصوبے کا مقصد میگواڑکی مقامی کمیونٹی کو زندگی کیلئے ضروری صاف پانی کی فراہمی ہے۔ اس پلانٹ کی صلاحیت 1000 لیٹر فی گھنٹہ ہے، جو صاف پانی کی مسلسل فراہمی کو یقینی بنائے گا۔ اس پلانٹ سے میگواڑ کے لگ بھگ 800 گھرانوں کےتقریباً7000 افراد مستفید ہوں گے، جنہیں اس سے قبل علاقے میں پینے کا صاف پانی دستیاب نہیں تھا۔

یہ پلانٹ مقامی خواتین کیلئے بھی ایک نعمت ثابت ہو گا، جن کو پہلے پانی لانے کیلئے تقریباً 5 کلومیٹر تک پیدل سفر کرناپڑتا تھا۔میگھواڑ ماروی کا گاؤں ہے، جو کوک سٹوڈیو پاکستان کے سیزن 15 کے تازہ ترین ہٹ گانے آئی آئی کی بریک آؤٹ سٹار بن کر سامنے آئی ہے اور اس کی کہانی علاقے کے دیگر فنکاروں کیساتھ مقامی کمیونٹی کیلئے متاثر کن رہی ہے۔

Leave a reply