فیصل مسجد میں عید کی نماز سعودی عالم دین پڑھائیں گے

0
60

پاکستان ٹوڈے کی تفصیلات کے مطابق فیصل مسجد میں عید کی نماز سعودی عالم دین پڑھائیں گے۔

میڈیاذرائع کے مطابق اسلام آباد کی فیصل مسجد میں نماز عید الفطر سعودی عالم دین اور رابطہ عالم اسلامی کے سیکرٹری جنرل ڈاکٹر محمد بن عبدالکریم پڑھائیں گے۔ ڈاکٹر محمد بن عبد الکریم العیسیٰ اسلام آباد میں سیرت النبی ؐ میوزیم کا سنگ بنیاد بھی رکھیں گے۔ وہ گزشتہ روز9 روزہ اعلیٰ سطح کے دورے پر پاکستان پہنچ گئے ،وہ اس سے قبل بھی پاکستان کا دورہ کرچکے ہیں۔

ذرائع وزارت مذہبی امور کے مطابق سیکرٹری جنرل رابطہ عالم اسلامی عید الفطر پاکستان میں گزاریں گے۔ پاکستان میں قیام کے دوران صدر مملکت اور وزیراعظم سے ملاقاتیں کریں گے۔ چیف جسٹس سپریم کورٹ اور وزیر مذہبی امور سے بھی اُن کی ملاقات ہوگی۔ ذرائع کےمطابق ڈاکٹر محمد بن عبدالکریم مختلف شخصیات سے ملاقاتیں اور تقاریب میں شرکت کریں گے۔

Leave a reply