لاپتا افراد کی بازیابی سے متعلق درخواستوں کی سماعت

پاکستان ٹوڈے: عدالت نے جبری گمشدگی کے متعلق سوالات اٹھا دیئے

تفصیلات کے مطابق جے آئی ٹیزنے محمد اقبال، اسماندیم ، شیرمحمدخان کے پیاروں کو جبری گمشدہ قرار دے دیا، جبری گمشدگی کے بعد ان کے اہلخانہ کی مالی امداد کی منظوری دیدی گئی، وزیر اعلیٰ ہاؤس سے 29 لاپتہ افراد کے اہلخانہ کی مالی معاونت کی منظوری دے دی گئی ہے۔

جب تسلیم کرلیا گیا کہ شہری کو جبری گمشدہ کیاگیا ہے تو اسکی وجہ بھی بتائی جائے؟ یہ بھی بتایا جائے کہ شہری کہاں ہیں اور کس ادارے کے پاس ہیں، جبری گمشدگی قرار دینے کا مطلب یہ ہرگز نہیں کہ کسی ادارے نے شہری کی گمشدگی تسلیم کی ہے، عدالت کو بتایا جائے کہ جبری گمشدگی قرار دینے کا معیار اور طریقہ کار کیا ہے۔

کس قانون کے تحت لاپتہ شہریوں کو جبری گمشدہ قرار دیاجاتا ہے، لاپتہ شہریوں کے متعلق درخواست گزاروں کے الزامات کی روشنی میں اسکا جائزہ لیا جاتاہے ، اس کے متعلق قانون نہیں ،یہ پریکٹس اسلام آباد ہائیکورٹ کے فیصلے کی روشنی میں شروع ہوئی ،

اسلام آباد ہائیکورٹ کے فیصلے سمیت اس سلسلے میں جو مواد ہے وہ آئندہ سماعت پر پیش کیا جائے، عدالت کی لاپتہ افراد کی بازیابی کے لیے اقدامات تیز کرنے کی ہدایت، عدالت نے پولیس حکام سے پیش رفت رپورٹ بھی طلب کرلی