لاہور کی تاریخی یونیورسٹی میں معروف نقاد اور ادیب کے نام سے سکالر شپ کا اجرا

لاہور:(پاکستان ٹوڈے: گورنمنٹ کالج یونیورسٹی نے انیس ناگی کے نام سے سکالر شپ کا اجرا کر دیا ۔

تفصیلات کے مطابق سکالرشپ ہر سال شعبہ اردو کے مستحق طالبعلم کو دی جائے گی،جبکہ ایم فل میں پہلی پوزیشن حاصل کرنیوالے طالب علم کو انیس ناگی میڈل سے نوازا جائے گا۔ نامور ادیب انیس ناگی کے بیٹےنے مرحوم والد کے نام سے ان کی مادر علمی گورنمنٹ کالج یونیورسٹی میں سکالرشپ اور میڈل کا اجرا کیا۔

ڈاکٹر دانیال ناگی نے سکالرشپ اور میڈل کیلئے یونیورسٹی کو ایک ملین روپے عطیہ کیے،یونیورسٹی کیمپس میں منعقدہ تقریب میں ڈاکٹر دانیال ناگی نے وائس چانسلر پروفیسر ڈاکٹر شازیہ بشیر کو عطیہ کی رقم کا چیک پیش کیا۔ تقریب میں فیکلٹی ممبران اور انیس ناگی کی بیٹی بھی موجود تھیں۔

سکالرشپ ہر سال شعبہ اردو کے مستحق طالبعلم کو دی جائے گی، جبکہ ایم فل میں پہلی پوزیشن حاصل کرنیوالے طالبعلم کو انیس ناگی میڈل سے نوازا جائے گا۔