متحدہ عرب امارات میں طوفانی بارشیں فلائٹ آپریشن درہم برہم

پاکستان ٹوڈے: یو اے ای سے پاکستان کے لیے 46 پروازیں منسوخ ہو گئیں۔ بارش کے باعث ایئر پورٹس اور اماراتی ایئر لائنز کا نظام متاثر ہوا۔

دبئی سے کراچی آنے والی نجی ایئر لائن کی 6 پروازیں بھی منسوخ ہوئی ہیں۔ دبئی سے کراچی کے لیے غیر ملکی پرواز ای کے 606 اور 607 منسوخ ہو گئیں۔

دبئی سے کراچی آنے والی پی آئی کی دو پروازیں پی کے 207 اور 208 بھی منسوخ کر دی گئیں۔ دبئی میں طوفانی بارشوں نے 75 سال کا ریکارڈ توڑ دیا۔

طوفانی بارشوں کی وجہ سے مختلف سیکشنز سے دبئی کے شیخ زاید روڈ کو بند کرنا پڑ گیا، ٹریفک جام سے چند کلومیٹر کا فاصلہ کئی گھنٹوں پر محیط ہوگیا۔ 25 منٹ تک دبئی ایئر پورٹ پر فلائٹ آپریشن بند رہا۔