نیوزی لینڈ کا ہوا بازی کی صنعت میں انقلابی اقدام

پاکستان ٹوڈے: نیوزی لینڈ کا ہوا بازی کی صنعت میں انقلابی اقدام،ایئر نیوزی لینڈ مستقبل قریب میں الیکٹرک طیارے چلانیوالی پہلی ایئر لائن بن جائے گی۔

ذرائع کے مطابق ایئر نیوزی لینڈ نے2026 تک بیٹری سے چلنے والے طیارے اپنے بیڑے میں شامل کرنا کا ہدف مقرر کر لیا۔۔۔ ان الیکٹرک طیاروں کو کارگو خدمات کیلئے استعمال کیا جائے گا۔ نیوزی لینڈ کے اندرڈومیسٹک فلائٹس کیلئے بھی الیکٹرک طیارے چلائے جائیں گے۔

ایئر لائن نے اس مقصد کیلئے نیوزی لینڈ پوسٹ کے ساتھ شراکت داری کی ہے۔یہ سٹریٹجک اقدام ایئر نیوزی لینڈ کی پائیداری کے عزم اور اس کے ماحولیاتی اثرات کو کم کرنے کے منصوبے کا حصہ ہے۔اس حوالے سےایئر لائن کے چیف سسٹین ایبلٹی آفیسرکا کہنا ہے کہ یہ منصوبہ کمپنی کے جوش و جذبے اور اگلی نسل کے الیکٹرک ہوائی جہاز کے تجارتی آپریشنز کی قیادت کرنے کے عزم کا اظہار ہے۔ الیکٹرک طیاروں پر زور ایئرلائن کی وسیع تر کوششوں کا حصہ ہے

،جس میں ہوا بازی کیلئے جدیدذرائع تلاش کرناہے، جو ماحول دوست ہوں،ایئر نیوزی لینڈ کا اقدام ہوابازی کے شعبے میں ماحولیاتی خدشات کو دور کرنے کیلئے جدید ٹیکنالوجی کو شامل کرنے کی جانب ایک اہم قدم کی نشاندہی ہے۔ الیکٹرک طیاروں کو اپنانے اور پائیدار طریقوں کیلئے شراکت داروں کے ساتھ تعاون سمیت ایئر لائن کا مقصد ایک مثال قائم کرنا اور ہوا بازی کی صنعت کو زیادہ ماحول دوست بناناہے۔