پاکستانی بھائیوں کا قطر انٹرنیشنل جونیئر سکواش چیمپئن میں ریکارڈ

0
29

پاکستان ٹوڈے: ذرا نم ہو تو یہ مٹی بہت زرخیز ہے۔ پاکستان کے دو بھائی قطر انٹرنیشنل جونیئر سکواش چیمپئن شپ کے ناک آؤٹ مرحلے میں پہنچ گئے۔

دوحہ میں جاری قطر انٹرنیشنل جونیئر سکواش چیمپئن شپ میں پاکستان کے 14 سالہ عبداللہ زمان کوارٹر فائنل میں جبکہ ان کے چھوٹے بھائی 8 سالہ ریان زمان انڈر 11 کے سیمی فائنل میں پہنچ گئے۔ عبداللہ زمان امریکی کھلاڑی اویک گھوش کو سٹریٹ گیمز میں شکست دیکر کوارٹر فائنل میں پہنچے۔

ان کی کامیابی کا سکور گیارہ آٹھ، گیارہ چھ اور گیارہ چھ رہا۔انڈر 11 کیٹیگری میں ریان زمان نے کوارٹر فائنل میں مصر کے پلیئر کو تین، ایک گیمز سے شکست دی۔ریان زمان کی کامیابی کا سکور نو گیارہ، گیارہ چھ، گیارہ چھ اور گیارہ نو رہا۔ دونوں بھائی سابق چیمپئن منصور زمان کے صاحبزادے ہیں۔

Leave a reply