کراچی: جناح انٹرنیشنل ایئر پورٹ کے رن وے اپ گریڈیشن میں پیشرفت

پاکستانی فضائی مسافروں کیلئے خوشخبری، جناح انٹرنیشنل ایئر پورٹ کے رن وے کےاپ گریڈیشن میں بڑی پیشرفت ہوئی۔
پاکستان ائیرپورٹس اتھارٹی (پی اے اے) کے مطابق عالمی معیار کے تحت جناح انٹرنیشنل کے رن وے اپگریڈیشن میں بڑی پیشرفت ہوئی ہے، جبکہ کراچی ایئرپورٹ کے مرکزی رن وے کی (پی کیو سی) تعمیر قبل از وقت مکمل کرلی گئی ہے۔
پی اے اے کے مطابق رن وے 07L/25R پر جدید سلیپ فارم ٹیکنالوجی سے تعمیر کا کام مکمل کرلیا گیا ہے،پیومنٹ کوالٹی کنکریٹ (پی کیو سی) کا مرحلہ صرف سات ماہ میں مکمل کر لیا گیا۔
پاکستان ائیرپورٹس اتھارٹی نے کہا ہے کہ ایئر فیلڈ لائٹنگ سسٹم کی تمام اشیاء موصول ہو چکیں، لائٹنگ سسٹم کی تنصیب اور دیگر تکمیلی کام جاری ہیں، رن وے سینٹر لائن اور ٹیکسی وے مارکنگ کا عمل بھی جاری ہے۔