کیا آئی فون 17 سیریز میں سم سلاٹ نہیں ہوگی؟چونکا دینے والی لیکس

ایپل صارفین کیلئے اہم خبر،کیا آئی فون 17 سیریز میں سم سلاٹ نہیں ہوگی؟تازہ ترین لیکس نے سب کو چونکا دیا ۔
ایپل نے اپنے نئے آئی فون 17 سیریز کی لانچ تاریخ 9 ستمبر طے کر دی ہے اور جیسے جیسے دن قریب آرہا ہے، ویسے ویسے لیکس اور قیاس آرائیاں بھی تیز ہو گئی ہیں۔
تازہ ترین لیکس کے مطابق آئی فون 17 کے کئی ماڈلز اب ای سم (eSIM) اونلی ہونیوالے ہیں، یعنی ان میں فزیکل سم کارڈ کیلئے کوئی سلاٹ موجود نہیں ہوگا۔یورپی یونین میں ایپل کے آتھرائزڈ ری سیلرز کو ہدایت دی گئی ہے کہ وہ ای سم والے فونز کیلئے تیار رہیں۔
ماہرین کا کہنا ہے کہ پہلے صرف آئی فون 14 کے امریکی ماڈلز میں یہ فیچر دیا گیا تھا ،مگر اب امکان ہے کہ اسے دیگر خطوں تک بھی پھیلا دیا جائے گا۔ یہ بھی قیاس کیا جارہا ہے کہ نیا آئی فون 17 ایئر ماڈل نا صرف پتلا ہوگا، بلکہ مکمل طور پر ای سم پر مبنی ہوگا۔
ای سم کے فوائد میں زیادہ سکیورٹی اور آسانی شامل ہیں، یہی وجہ ہے کہ یہ ا قدام غیر متوقع نہیں سمجھا جارہا۔ گوگل بھی اپنے پکسل 10 سیریز میں امریکی مارکیٹ کیلئے ای سم اونلی فیچر متعارف کروا چکا ہے۔اس کے علاوہ لیکس میں یہ بھی بتایا گیا ہے کہ ایپل اپنی نئی سیریز کے ساتھ آئی فون 17 پرو کلیئر کیس ود میگ سیف بھی لانچ کرے گا۔ اس کیس میں پچھلی جانب زیادہ تر حصہ کور ہوگا، جس سے میگ سیف کنیکٹرز چھپ جائیں گے۔
کیمرہ ماڈیول کیلئے بڑا کٹ آؤٹ دیا گیا ہے ،جبکہ ایپل کا لوگو نیچے سرک کر عین وسط میں نظر آئے گا۔ یہ بھی کہا جارہا ہے کہ یہ کیس ایک نئے ایکسیسری، یعنی کراس باڈی سٹرَیپ کو سپورٹ کرے گا، جس کی مدد سے صارفین اپنے آئی فون کو مقناطیسی لین یارڈ کے ذریعے اپنے ساتھ آسانی سے لٹکا سکیں گے۔