گلگت بلتستان جانیوالے سیاحوں کیلئے ای لائسنسنگ پورٹل کا آغاز

پاکستان ٹوڈے: پاکستان کے جنت نظیرعلاقے گلگت بلتستان جانیوالے سیاحوں کیلئے خوشخبری۔

تفصیلات کے مطابق اسلام آباد اور گلگت بلتستان میں سیاحوں کو آن لائن خدمات فراہم کرنے کیلئے ای لائسنسنگ پورٹل کا آغاز کر دیا گیا ۔ ذرائع کے مطابق بین الصوبائی رابطہ کی وزارت نے قومی انفارمیشن ٹیکنالوجی بورڈ کی تکنیکی مدد کے ذریعے سیاحتی خدمات کے اپنے منسلک محکمہ کو ڈیجیٹلائز کرنے کا فیصلہ کیا ہے۔

محکمہ سیاحتی خدمات، اسلام آباد ڈی ٹی ایس، اسلام آبادنے آئی سی ٹی اور جی بی میں سفری اور مہمان نوازی کی تجارت کے اپنے صارفین کو آن لائن خدمات فراہم کرنے کیلئے ای لائسنسنگ پورٹل کا آغاز کیا۔ اس پورٹل کو نیشنل انفارمیشن ٹیکنالوجی بورڈ کی تکنیکی مدد سے تیار کیا گیا ہے۔

اس وقت ڈی ٹی ایس، اسلام آباد آئی پی سی کی وزارت کے تحت کام کر رہی ہے۔ سکرٹری آئی پی سی نے اس سنگ میل تک پہنچنے میں ڈی ٹی ایس اور این آئی ٹی بی کی مشترکہ کوششوں کی تعریف کی۔ ان کا کہنا تھا کہ حکومت سیاحوںکو معیاری خدمات فراہم کرنے کیلئے پرعزم ہے.

اور یہ پیشرفت سرکاری خدمات کو معیاری بنانے میں ایک طویل سفر طے کرے گی۔ اب ٹریول، ہوٹل اور ریسٹورنٹ کا انتظام آن لائن ای سروسز حاصل کر سکتا ہے، جو کہ موثر، لاگت سے موثر اور ماحول دوست ہیں۔