گوگل کا تعلیمی شعبے میں اے آئی کورسز کروانے کا اعلان

پاکستان ٹوڈے: گوگل نے تعلیمی شعبے میں اے آئی کورسز کا آغاز کردیا۔

تفصیلات کے مطابق سرچ انجن گوگل نے اعلان کیا ہے کہ وہ افرادی قوت اور امریکیوں کو مصنوعی ذہانت کا استعمال سکھانے کیلئے تعلیمی اداروں کو 75 ملین ڈالر کی گرانٹ فراہم کرے گا۔ ٹیک کمپنی بنیادی مصنوعی ذہانت کی مہارتوں اور بہترین طریقوں کو سکھانے میں مدد کیلئےگوگل اے آئی ایسینشلز آن لائن کورس بھی شروع کر رہی ہے۔

اس کورس پر 49 ڈالر لاگت آئے گی اور اس کے نصاب میں 10 کریڈٹ ہارز درکارہوں گے۔ اس کورس کے ذریعے امیدواروں کو ان کے روز مرہ کے کام میں مصنوعی ذہانت کی مہارتوں اور استعمال کے طریقے سکھائے جائیں گے۔کورس مکمل کرنے والے طلبا کو سرٹیفکیٹس بھی دیے جائیں گے۔

دیگر بگ ٹیک سے چلنے والی رفاہی تنظیموں میں مائیکروسافٹ فلانتھراپیز، ایمیزون فیوچر انجینئر اور میٹا ایلیویٹ شامل ہیں۔گوگل کے مطابق میامی ڈیڈ کالج اور ڈارڈن ایگزیکٹو ایجوکیشن اینڈ لائف لانگ لرننگ طلبا اور کام کرنیوالے پیشہ ور افراد کو کورس فراہم کرے گا، جبکہ سٹی گروپ اپنے ملازمین کی استعدادِ کار کو بہتر بنانے کیلئے اس کورس کا استعمال کرے گا۔

یہ تعلیمی پروگرام گوگل کے اس مقصد کا حصہ ہے، جس کے ذریعے ٹیکنالوجی کی تیزی سے ترقی کی وجہ سے ہنر مندی کے خلا کو پر کرنا ہے۔ٹیکنالوجی سے واقف افرادی قوت پیدا کرنے میں مدد کیلئےگوگل تکنیکی کارکنوں کی ضرورت کو دیکھتے ہوئے گرانٹس بھی دیتا ہے اور مختلف پروگرام بھی تیار کرتا ہے۔