آئی سی سی ویمن ورلڈکپ:آج آسٹریلیا اور سری لنکا کی ٹیمیں ایکشن میں ہو نگی

انٹرنیشنل کرکٹ کونسل(آئی سی سی) ویمن ورلڈکپ کےپانچویں میچ میں آج دفاعی چیمپئن آسٹریلیا اور سری لنکاکی ٹیمیں کولمبومیں ایکشن میں ہو ں گی۔
انٹرنیشنل کرکٹ کونسل(آئی سی سی)کے زیر اہتمام خواتین کرکٹ ورلڈ کپ کا تیرہواں ایڈیشن سری لنکا اور بھارت کی میزبانی میں ہورہاہے،بھارت کو یہ 1978، 1997 اور 2013 کے ایڈیشن کے بعد خواتین کے عالمی کپ کی میزبانی کرنے کا چوتھا موقع ملا ہے جبکہ سری لنکا پہلی بار میگا ایونٹ کی میزبانی کر رہا ہے ،ٹورنامنٹ میں چوکوں اورچھکوں کی بہارکاسلسلہ جاری ہے۔آئی سی سی ویمنز ورلڈ کپ ٹورنامنٹ میں 8 ممالک کی ٹیمیں ٹائٹل جیتنےکیلئے نبرد آزما ہیں۔سری لنکا، بھارت،نیوزی لینڈ ،دفاعی چیمپئن آسٹریلیا شامل ہےجبکہ پاکستان ، بنگلہ دیش، انگلینڈ اورجنوبی افریقہ کی ٹیمیں شامل ہیں۔ آسٹریلیا کی ٹیم ٹائٹل کے دفاع کے لئے ایکشن میں ہوگی۔آسٹریلیا کی ویمنزٹیم نے 2022 میں اپنا ساتواں ٹائٹل جیتا تھا۔
واضح رہےکہ ایونٹ کاپہلامیچ میزبان بھارت اورسری لنکاکی وویمنزکی ٹیموں کےدرمیان کھیلاگیاجس میں بھارت نے59رنزسےکامیابی حاصل کی،جبکہ ٹورنامنٹ کےدوسرےمیچ میں دفاعی چیمپئن آسٹریلیانے نیوزی لینڈ کو 89رنزسےشکست دی۔ایونٹ کےتیسرےمیچ میں بنگلہ دیش نےپاکستان کو7وکٹوں سے شکست دےکرٹورنامنٹ کافاتحانہ آغازکیا۔ویمن ورلڈکپ کےچوتھےمیچ میں انگلینڈنےجنوبی افریقہ کو 10 وکٹوں سےشکست دی۔