آرمی چیف جنرل عاصم منیرسےملائیشین وزیراعظم کی ملاقات

آرمی چیف جنرل سیدعاصم منیرسےملائیشیاکےوزیراعظم داتوسری انورابراہم نے ملاقات کی،دونوں رہنماؤں کی جانب سے علاقائی سلامتی اور دفاعی تعاون پر تبادلہ خیال کیا گیا۔
پاک فوج کےشعبہ تعلقات عامہ( آئی ایس پی آر)کےمطابق ملائیشیا کے وزیر اعظم داتوسری انورابراہیم نے علاقائی امن و استحکام میں پاکستان کی مسلح افواج کے کردار کو سراہا جبکہ دہشت گردی کے خلاف جنگ میں پاک فوج کی پیشہ ورانہ مہارت اور قربانیوں کا اعتراف کیا۔
آئی ایس پی آرکےمطابق ملائیشین وزیراعظم نے آرمی چیف جنرل سیدعاصم منیرکو ملائیشیا کے دورے کی دعوت بھی دی جس پر ملائیشین وزیراعظم کا شکریہ ادا کیا اور پاکستان کے کامیاب دورے کو سراہا۔ملاقات کےدوران ملائیشین وزیراعظم نے دونوں برادر ممالک کے درمیان دوطرفہ تعلقات بالخصوص فوجی تعلقات کو بڑھانے کی ضرورت پر زور بھی دیا۔
ترجمان پاک فوج کاکہناہےکہ ملائیشین وزیراعظم کے دورے سے دونوں ممالک اور فوج کے درمیان پائیدار اور تاریخی تعلقات کو مزید بہتر بنانے میں مدد ملے گی۔
آرمی چیف نے ایوان صدر میں ملائیشیا کے وزیر اعظم کے اعزاز میں منعقدہ سرمایہ کاری کی تقریب اور سرکاری ضیافت میں بھی شرکت کی۔