اداکارہ نرگس کو شوہر نے تشدد کا نشانہ بنا ڈالا

پاکستان شوبزانڈسٹری کی معروف اداکارہ نرگس کو شوہر ماجدبشیرنے تشدد کا نشانہ بنا ڈالا ۔
پولیس ذرائع کےمطابق اداکارہ نرگس نے چند سال پہلے ماجد بشیر سے شادی کی تھی ۔ اداکارہ نرگس گزشتہ کچھ عرصہ سے شوبز کو خیر آباد کہہ کر بیوٹی سیلون چلا رہی تھی ۔
اداکارہ کےبھائی خرم بھٹی نےالزام عائدکیاکہ انسپکٹر ماجد بشیر میری بہن پر تشدد کر تا ہے ، انسپکٹر ماجد بشیر نے آج اس قدر تشدد کیا کہ میری بہن کی حالت خراب ہوگئی ۔
پولیس ذرائع کاکہناہےکہ اداکارہ نرگس نے تاحال کارروائی کیلئے درخواست نہیں دی ۔ درخواست موصول ہونے پر ہی کارروائی کی جائیگی ۔