اسلام آبادہائیکورٹ نےشعیب شاہین کی درخواست پرالیکشن ٹریبیونل کوکارروائی سےروک دیا

اسلام آبادہائیکورٹ نےپی ٹی آئی امیدوار شعیب شاہین کی درخواست پر الیکشن پٹیشن کی حد تک الیکشن ٹریبیونل کو کارروائی سے روک دیا۔
این اے 47 سے طارق فضل چودھری ایم این اے بنے، ان کی کامیابی کو شعیب شاہین نے چیلنج کر رکھا ہے ، اس حکم کے بعد الیکشن ٹریبیونل باقی 2 حلقوں سے متعلق کارروائی کو آگے بڑھا سکے گا۔
چیف جسٹس اسلام آبادہائیکورٹ عامرفاروق نےپی ٹی آئی امیدوار شعیب شاہین کی درخواست پرسماعت کی۔
عدالت نےپی ٹی آئی کےامیدوارشعیب شاہین کی درخواست پرحکم امتناع جاری کیا اور ان کی الیکشن پٹیشن کی حد تک ٹریبیونل کو کارروائی سے روکتے ہوئے فریقین کو نوٹس جاری کرکے جواب طلب کرلیا۔
عدالت نےکہاکہ الیکشن ٹربیونل باقی دو حلقوں سے متعلق کارروائی آگے بڑھا سکے گا۔
واضح رہےکہ الیکشن ٹریبیونل نے اسلام آباد کے تینوں حلقوں سے متعلق کیس 24 دسمبر کے لئے مقرر کر رکھا۔