اس رمضان ایسا کیا ہوگا، جو 33 سال میں صرف ایک بار ہوتا ہے؟

اس رمضان ایسا کون سا انمول فلکیاتی واقعہ رونما ہو گا، جو 33 سال میں صرف ایک بار ہوتا ہے؟
رواں برس رمضان المبارک میں ایک ایسا انوکھا واقعہ رونما ہونے جارہا ہے، جو 33 برسوں میں صرف ایک مرتبہ رونما ہوتا ہے۔
سعودی گیزٹ کی رپورٹ کے مطابق دنیا بھر میں تاریخ اور دنوں کا حساب رکھنے کیلئے 2 کیلنڈر استعمال کیے جاتے ہیں، ایک شمسی ہے، جیسے عیسوی کیلنڈر کہتے ہیں۔دوسرا اسلامی کیلنڈر ہے، جسے ہجری کیلنڈر بھی کہا جاتا ہے، جو چاند کے حساب سے تاریخ کا ترتیب دیتا ہے۔
رپورٹ کے مطابق ایسا شاذو نادر ہی ہوتا ہے کہ دونوں کیلنڈر ایک وقت میں ایک ہی ساتھ شروع ہوں، یعنی شمسی اور قمری مہینے کا آغاز ایک ہی تاریخ سے ہو، لیکن رواں سال ماہ رمضان میں یہ انوکھاواقعہ رونما ہو گا۔
فلکیاتی ماہرین کا کہنا ہے کہ ماہ رمضان کا 2025 کا آغاز یکم مارچ سے ہونے کا امکان ہے ،یعنی ہجری مہینہ رمضان اور شمسی مہینہ مارچ ایک ساتھ شروع ہوں گے۔