امریکاکےساتھ ہرقسم کی جنگ کےلئےتیارہیں،چین

ترجمان چینی وزارت خارجہ لی جیان نےکہاہےکہ امریکاکےساتھ ہرقسم کی جنگ کےلئےتیارہیں۔
ترجمان چینی وزارت خارجہ لی جیان کاامریکا کی جانب سےٹیرف پرردعمل دیتےہوئےکہناتھاکہ امریکاٹیرف سمیت جوبھی جنگ چاہتاہےہم تیار ہیں، امریکاکےساتھ ہرقسم کی جنگ کےلئےتیارہیں۔
لی جیان کامزیدکہناتھاکہ چین کومنشیات کاذمہ دارٹھہراناصرف ایک بہانہ ہے،دھمکیوں سےچین کےساتھ معاملات طےکرناصحیح طریقہ نہیں،دھونس اوردھمکیوں سےچین کوخوفزدہ نہیں کیاجاسکتا۔

یہ بیان چین کی جانب سے صدر ٹرمپ کے دور میں سب سے سخت ردعمل میں سے ایک ہے اور اس کا اعلان اس وقت کیا گیا جب بیجنگ میں نیشنل پیپلز کانگریس کا اجلاس جاری تھا۔

برطانوی خبر رساں ادارے کی خبر کے مطابق دنیا کی دو سب سے بڑی معیشتیں تجارتی جنگ کی جانب بڑھ رہی ہیں، جب کہ ٹرمپ نے تمام چینی مصنوعات پر مزید ٹیرف عائد کر دیا ہے۔ چین نے بھی فوری طور پر جواب دیتے ہوئے امریکی زرعی مصنوعات پر 10-15 فیصد ٹیرف عائد کر دیا ہے۔