ایشیاکپ سپرفورمرحلہ:سری لنکاکو5وکٹوں سےشکست،پاکستان کی اہم کامیابی

ایشیاکپ ٹی ٹوئنٹی2025سپرفورمرحلے میں پاکستان نےسری لنکا کو5وکٹوں سےہراکرٹورنامنٹ میں اہم کامیابی حاصل کرلی۔
ابوظبی میں کھیلےگئےایشیاکپ کےسپرفورمرحلےکےتیسرےاورٹورنامنٹ کے پندرہویں میچ میں پاکستان کےکپتان سلمان علی آغانےٹاس جیت کر پہلے فیلڈنگ کافیصلہ کیا،سری لنکانےپہلےبیٹنگ کرتےہوئے مقررہ 20 اوورز میں 8 وکٹوں کے نقصان پر 133 رنز بنائےپاکستان نے سری لنکا کا 134 رنز کا ہدف 18 اوورز میں 5 وکٹوں کے نقصان پر حاصل کیا۔
سری لنکا کی اننگز:
پاکستانی باولروں کےسامنےسری لنکاکی ٹیم ریت کی دیوارثابت ہوئی، 58 کے مجموعی اسکور پر سری لنکا کی آدھی ٹیم پویلین لوٹ گئی ۔سری لنکاکےکامندو مینڈس نے ذمہ درانہ بیٹنگ کرتے ہوئے 50 رنز بنائے۔
سری لنکاکی جانب سےپاتھن نسنکانے8رنزبنائےجبکہ کوشل مینڈس بغیرکھاتہ کھولےصفرپرپویلین لوٹ گئے۔ پریرا15رنزبناکروکٹ گنوابیٹھے۔آسالنکا نے20رنزکی اننگزکھیلی۔ ہاسارنکا 15 رنز بناکر آؤٹ ہوئے جبکہ کرونارتنے 17 رنز کے ساتھ ناٹ آؤٹ رہے۔
پاکستان کی جانب سےشاہین آفریدی نے3کھلاڑیوں کوپویلین کی راہ دکھائی جبکہ حارث رؤف اور حسین طلعت نے 2،2شکارکیے۔ابرار احمد نے ایک کھلاڑی کو آؤٹ کیا۔
پاکستان کی اننگز:
پاکستان کی جانب سےاننگزکاآغازصاحبزادہ فرحان اورفخرزمان نےکیا۔دونوں نےٹیم کواچھاآغازفراہم کیامگرپھرصاحبزادہ فرحان24رنزبناکرآؤٹ ہوگئےجبکہ فخر بھی17رنزبناکرپویلین لوٹ گئے۔پھرپاکستان کی شان صائم ایوب بھی زیادہ دیرتک کریزپرنہ ٹھہرسکےوہ صرف2رنزبناکروکٹ گنوابیٹھے۔
پاکستان ٹیم کےکپتان سلمان علی آغا5رنزکی اننگزکھیل سکےجبکہ محمدحارث نے 13سکورکااضافہ کیا۔ہدف کے تعاقب میں گرین شرٹس کو ابتدا میں مشکلات کا سامنا کرنا پڑا، 5 کھلاڑی 80رنز کے مجوعی اسکور پر پویلین لوٹ گئے تھے۔
پاکستان کی جانب سےمحمدنوازاورحسین طلعت نےذمہ داری کامظاہرہ کیا،دونوں نے پاکستان کو اہم جیت دلوا کر فائنل میں پہنچنے کی امید برقرار رکھی۔محمد نواز نے 38 اور حسین طلعت نے 32 رنز کی ناقابل شکست اننگز کھیل کر پاکستان کو جیت دلوای۔
ایشیاکپ سپرفورمرحلےمیں پہلی کامیابی کےبعدپاکستان ٹیم نے2پوائنٹس حاصل کرلیےجبکہ اس میچ کےبعدسری لنکاکاٹورنامنٹ میں سفراختتام پذیرہوگیا۔ مگر ابھی ایونٹ کاایک میچ کھیلیں گئے۔
پاکستان نےٹیم میں کوئی تبدیلی نہیں کی تھی۔بھارت کے خلاف میچ کھیلنے والے کھلاڑی ہی پلیئنگ الیون کا حصہ رہے۔
پوائنٹس ٹیبل کی صورتحال:
سپر4 مرحلے کی ٹاپ 2 ٹیموں نے فائنل کیلئے کوالیفائی کرنا ہے۔ہر ٹیم کو 3 میچز کھیلنے ہیں۔
پوائنٹس ٹیبل پر نظر ڈالیں تو بھارت ایک میچ کھیل کر 2 پوائنٹس حاصل کرکے پہلے نمبرپر ہے جبکہ پاکستان 2 میچزکھیل کر ایک میں کامیابی کے بعد 2 پوائنٹس کے ساتھ دوسرے نمبر پر ہے۔
بنگلادیش ایک میچ کھیل کر کامیابی کے بعد 2 پوائنٹس کے ساتھ تیسری پوزیشن پر ہے جبکہ سری لنکا مسلسل 2 میچز ہار کر آخری پوزیشن پر ہے۔