ایشیاکپ 2025:آج پاکستان اوربھارت کی ٹیمیں مدمقابل ہوں گی

بڑےایونٹ کابڑامقابلہ،ایشیاکپ2025 کےچھٹےمیچ میں آج پاکستان اپنے رویتی حریف بھارت کےساتھ ٹکرائےگا۔
دبئی میں ایشیاکپ ٹی ٹوئنٹی 2025کامیلہ بھارت کی میزبانی میں سج گیاہے، میگا ایونٹ میں چوکوں اور چھکوں کی بہارکاسلسلہ جاری ہے۔ہرٹیم اپنی فتح کےلئے پرعزم ہے۔پاکستان ٹیم بھی اپنےابدی دشمن بھارت کےخلاف جیت کی لگن لےکرمیدان میں اترےگی۔جس پرقسمت کی دیوی مہربان ہوگی وہ ٹیم فتح یاب ہوگی۔میچ پاکستانی وقت کےمطابق رات 7:30بجےشروع ہوگا،شایقین کرکٹ نےملک کےمختلف شہروں میں بڑی سکرینو ں کاانتظام بھی کیاہے۔
میگاایونٹ میں 8ٹیمیں حصہ لےرہی ہیں،ٹورنامنٹ کودوگروپس میں تقسیم کیاگیا ہے جس میں گروپ اےمیں پاکستان ،بھارت،یواےای اورعمان شامل ہیں جبکہ گروپ بی میں افغانستان ،سری لنکا،بنگلہ دیش اورہانگ کانگ پرمشتمل ہے۔
ٹورنامنٹ کےپہلےمیچ میں افغانستان نے ہانگ کانگ کو94سکورسےشکست دی تھی۔جبکہ ایشیا کپ کے دوسرےمیچ میں بھارت نےیواےای کو9وکٹوں سےہراکرفتح حاصل کی تھی،پھرایونٹ کےتیسرےمیچ میں بنگلہ دیش نےبھی ہانگ کانگ کوشکست دی تھی،اورٹورنامنٹ کےچوتھےمیچ میں پاکستان نے عمان کو93 رنز سےشکست دےکرایونٹ کافاتحانہ آغازکیاتھا۔