![](https://pakistantoday.tv/wp-content/uploads/2024/07/TEAM-3.jpg)
گلوبل ٹی ٹوئنٹی کینیڈامیں شرکت کےلئے بابراعظم،شاہین شاہ آفریدی اورمحمدرضوان کواین اوسی جاری نہ ہونےکاامکان ہے۔
ذرائع کےمطابق بابر اعظم ، شاہین آفریدی اور محمد رضوان کو گلوبل ٹی ٹوئنٹی کے لیے این او سی ملنے کا امکان نہیں۔ کینیڈا کی لیگ کسی سیریز سے متصادم نہ ہونے کے باوجود این او سی کا امکان نہیں ۔ آل فارمیٹ پلیئرز کے لیے پالیسی کی وجہ سے این او سی نہیں دیا جائے گا۔ پی سی بی آل فارمیٹ پلیئرز کو مصروف انٹر نیشنل شیڈول کی وجہ سے این او سی دینے کے حق میں نہیں۔
ذرائع کےمطابق حال ہی میں نسیم شاہ کو بھی آل فارمیٹ پلیئر کی وجہ سے دی ہنڈریڈ کے لیے این او سی نہیں ملا۔ گلوبل ٹی ٹوئنٹی کینیڈا کو آئی سی سی کی جانب سے تاحال منظوری نہیں ملی ۔ کئی ایک معاملات کی وجہ سے آئی سی سی نے لیگ کی منظوری روکی ہو ئی ہے۔لیگ کی منظوری کے بعد کھلاڑیوں کے این او سی کا باقاعدہ فیصلہ ہو گا۔ محمد عامر، محمد نواز ، آصف علی اور افتخار احمد کے بھی لیگ میں معاہدے ہیں ۔