بشریٰ انصاری کا حالیہ دور کے ڈراموں بارے ناپسندیدگی کا اظہار

بشریٰ انصاری کا حالیہ دور کے ڈراموں بارے ناپسندیدگی کا اظہار

لاہور: (پاکستان ٹوڈے) پاکستان شوبز انڈسٹری کی سینئر اداکارہ بشریٰ انصاری نے آج کے دور کے ڈراموں سے متعلق اپنی ناپسندیدگی کا اظہار کر دیا۔
اداکارہ بشریٰ انصاری کا ایک ویڈیو کلپ وائرل ہورہا ہے جس میں انہوں نے ڈراموں کے حوالے سے گفتگو کی اور ماضی اور حال کے ڈراموں کا تقابلی جائزہ پیش کیا۔

ویڈیو میں بشریٰ انصاری نے ماضی کے ڈراموں کو یاد کرتے ہوئے کہا کہ پہلے ڈراموں کا اچھا دور تھا، ڈراموں کے نام بہت اہمیت کے حامل ہوتے تھے، بہت سوچ سمجھ کر اور ڈرامے کی کہانی کی مناسبت سے نام رکھے جاتے تھے جن کا بہت اثر ہوتا تھا۔

بشریٰ انصاری نے کہ آج کے دور میں ڈراموں کے بہت نام بہت ہی عجیب ہوتے ہیں، کل موہی، بدنصیب، مجھے طلاق دے دو جیسے عجیب و غریب نام ہوتے ہیں لیکن پہلے وقتوں میں ڈراموں کا نام رکھتے ہوئے بہت خیال رکھا جاتا تھا۔