بشریٰ بی بی کورہانہ کرنےپرعدالت نےجواب طلب کرلیا

عدت نکاح کیس میں بشریٰ بی بی کی بریت کےباوجودرہانہ کرنےپرعدالت نےجواب طلب کرلیا۔
اسلام آبادہائیکورٹ میں بشریٰ بی بی کی عدت نکاح کیس میں بریت کےباوجودرہانہ کرنےپر سپرنٹنڈنٹ اڈیالہ جیل کے خلاف درخواست دائرکردی گئی۔درخواست پر سماعت جسٹس ارباب محمد طاہر نے کی۔
بشریٰ بی بی کے وکیل لطیف کھوسہ عدالت میں پیش ہوئے۔
جسٹس ارباب محمدطاہرنےکہاکہ آپ کی درخواست پر اعتراضات لگے ہیں۔
وکیل لطیف کھوسہ نےکہاکہ بشریٰ بی بی کو عدت نکاح کیس میں بری ہونے پربھی رہا نہیں کیا گیا،انہیں جیل میں دھکے دئیے گئے اور تشدد بھی کیا گیا۔
جسٹس ارباب محمدطاہرنےکہاکہ آپ کی پہلے اس طرح کی ایک اور درخواست زیر التواء ہے۔
وکیل لطیف کھوسہ نےکہاکہ وہ درخواست چیف جسٹس کے پاس ہے اس میں ہم نے مقدمات کی تفصیل فراہمی کی استدعا کی ہے۔
درخواست میں استدعاکی گئی کےآئی جی جیل خانہ جات کو سپریٹنڈنٹ اور متعلقہ خواتین حکام کے خلاف کارروائی کی ہدایت کی جائے۔ بشریٰ بی بی کو کسی اور مقدمہ میں گرفتار نہ کر کے متعلقہ عدالت سے رجوع کی اجازت کی بھی استدعا
عدالت نے سیکرٹری محکمہ داخلہ پنجاب اور آئی جی جیل خانہ جات کو نوٹس جاری کر دیا ،وفاقی سیکرٹری داخلہ اور سپرنٹنڈنٹ اڈیالہ جیل کو بھی نوٹس جاری کرتےہوئے جواب طلب کرلیا۔
عدالت نے درخواست پر لگے اعتراضات دور کرنے کی ہدایت کر د ی،کیس کی سماعت 12 اگست تک ملتوی کر دی گئی۔