تخت لاہورکس کا،این اے129ضمنی انتخاب کیلئے کاغذات نامزدگی جمع

تخت لاہورکس کا،این اے 129 سے ضمنی الیکشن کے لیے 25 امیدواروں نے کاغذات نامزدگی جمع کرادئیے۔
اعتراض دور ہونےپر پی ٹی آئی رہنماحماد اظہر کے کاغذات بھی منظور ہوگئے۔ حماد اظہر کے والد اور سینئر سیاست دان میاں اظہر کی وفات کےبعد الیکشن کمیشن نے ان کی این اے 129 کی نشست پر الیکشن کا اعلان کررکھا ہے ۔
ریٹرننگ افسر عثمان غنی کے مطابق این اے 129 میں 25 امیدواروں نے کاغذات نامزدگی جمع کرائے ہیں۔
حکمران جماعت پاکستان مسلم لیگ (ن) کی جانب سے حافظ نعمان اور رانا مشہود نےجبکہ تحریک انصاف کی جانب سے حماد اظہر اور میاں اویس انجم نے کاغذات جمع کرائے۔پیپلز پارٹی کی جانب سے حبیب جالب کی بیٹی طاہرہ جالب اور آصف ناگرہ نے کاغذات نامزدگی جمع کرائے۔
ریٹرننگ افسر کے مطابق امیدواروں کی عبوری فہرست کل آویزاں کردی جائے گی، 8 اگست سے جانچ پڑتال کا عمل شروع ہو گا اور حلقے میں ضمنی الیکشن 18 ستمبر کو ہوگا۔