تعلیم بھی اور صحت بھی: سکول میل پروگرام کو توسیع دینے کا فیصلہ

طلبا و طالبات کیلئے بڑی خوشخبری، تعلیم بھی، صحت بھی،سکولوں میں کھانا دینے کے پروگرام میں توسیع کا فیصلہ، پنجاب میں سکول میل پروگرام کو توسیع دینے کا فیصلہ کر لیا گیا۔
پنجاب کے سرکاری سکولوں میں طلبا و طالبات کو مفت کھانا دینے کے منصوبے کو مزید 10 اضلاع میں توسیع دی جائے گی۔ سکول میل پروگرام پر مزید 15 ارب روپے کی لاگت آئے گی اورپروگرام کو اگلے مالی سال میں توسیع دی جائے گی۔
ذرائع کے مطابق موجودہ میل پروگرام سے سکولوں میں طلبا کی تعداد میں اضافہ ہوا۔
محکمہ تعلیم کے مطابق سکول میل پروگرام کی وجہ سے طلبا کی انرولمنٹ میں 55 ہزار 757 کا اضافہ ہوا، موجودہ منصوبے پر 4 ارب روپے خرچ ہوئے تھے، منصوبے کے تحت 4 کروڑ دودھ کے ڈبے فراہم کیے گئے۔
ذرائع کا کہنا ہے کہ سکول میل پروگرام کیلئے عالمی فنڈنگ بھی حاصل کی جائے گی۔