تھائی لینڈ:سیلاب نےتباہی مچادی،مختلف حادثات میں26افرادہلاک

تھائی لینڈمیں سیلاب نےتباہی مچادی مختلف حادثات میں 26افرادہلاک ہوگئے جبکہ ہزاروں خاندان متاثرہوئے۔
تھائی لینڈمیں رواں سال 16اگست سےملک بھر میں سیلاب کی وجہ سےمختلف حادثات میں کم از کم 26 افراد ہلاک ہو چکے ہیں،جبکہ تھائی لینڈ کے 20 صوبوں میں سیلاب سے 30 ہزار خاندان متاثرہوئےہیں۔
غیرملکی میڈیارپورٹ کےمطابق رواں سال تھائی لینڈ میں شدید بارشوں اور سیلاب سے تقریباً 20 صوبے زیر آب آ چکے ہیں جبکہ کئی علاقے حالیہ ہفتوں کے دوران سیلاب، طوفانی بارشوں اور لینڈ سلائیڈنگ کی زد میں آئے ہیں۔
ڈی ڈی پی ایم کے مطابق انگ تھونگ، ایوتھایا، بوری رام، چائیافم، چیانگ مائی، چیانگ رائے، کالاسین، لامپانگ، لامفون، مہا ساراکھم، ناکھون رتچاسیما، ناکھون ساون، پھیچابون، پھیتسانولوک، سنگ بوری، سوکھوتھائی، سوفن تاک ، اوبون رتچاتھانی اور ادون تھانی صوبوں میں سیلاب کی وجہ سے 34,373 خاندان متاثر ہوئے ہیں جبکہ 16 اگست سے ملک بھر میں سیلاب کی وجہ سے کم از کم 26 افراد ہلاک ہو چکے ہیں۔
رپورٹ کےمطابق چیانگ مائی کا ایلیفینٹ نیچر پارک 126 ہاتھیوں کا مسکن ہے جن میں سے دو کی سیلابی پانی میں بہہ جانے کے بعد مرنے کی تصدیق ہو چکی ہے۔