جسٹس طارق مسعوداورجسٹس مظہرعالم نے ایڈہاک جج کاحلف اٹھالیا

جسٹس ریٹائرڈسردارطارق مسعوداورجسٹس ریٹائرڈمظہرعالم میاں خیل نےبطورایڈہاک جج حلف اٹھالیا۔
حلف برداری کی تقریب سپریم کورٹ میں ہوئی ،چیف جسٹس پاکستان قاضی فائز عیسیٰ نے ایڈہاک ججز سے حلف لیا،تقریب حلف برداری میں جسٹس منصور علی شاہ سمیت دیگر ججز شریک ہوئے۔اٹارنی جنرل منصور عثمان اعوان لاء افسران، وکلاء و عدالتی اسٹاف بھی حلف برداری میں شریک ہوئے۔
واضح رہےکہ صدرمملکت آصف علی زرداری نےتعیناتی کی منظوری دی تھی۔ وزارت قانون کی جانب سے تعیناتی کا نوٹیفکیشن جاری کیا گیا ہے تھا۔دونوں ججز کو ایک سال کے لیے بطور ایڈہاک جج سپریم کورٹ تعینات کیا گیا ہے۔
یادرہےکہ جسٹس (ریٹائرڈ) مظہر عالم میاں خیل نے پہلے ایڈہاک جج بننے سے معذرت کرلی تھی جبکہ بعدمیں رضامندی ظاہرکرنےپرایڈہاک جج تعینات کیاگیاہے۔