جناح ہاؤس حملہ کیس،علیمہ خان کےبیٹےشاہ ریز خان کوجیل سے رہا کردیاگیا

9مئی جناح ہاؤس حملہ کیس میں علیمہ خان کےبیٹےشاہ ریزخان کو کوٹ لکھپت جیل سے رہا کردیاگیا۔
جیل حکام کاکہناہےکہ بانی پی ٹی آئی عمران خان کےبھانجےشاہ ریز کی ایک لاکھ روپےکے ضمانتی مچلکے جمع ہونے پررہائی کی روبکار جاری کی گئی۔
ذرائع کےمطابق علیمہ خان کےبیٹےشاہ ریز کو فیملی لیگل ٹیم کے ہمراہ کوٹ لکھپت جیل سے روانہ کیاگیا۔
یادرہےکہ 9مئی جناح ہاؤس حملہ کیس میں علیمہ خان کے بیٹے شاہ ریز خان کو گزشتہ ماہ لاہور سے گرفتار کیا گیا تھا،جبکہ علیمہ خان کے دوسرے بیٹے شیر شاہ تاحال گرفتار ہیں۔
واضح رہےکہ2 روز قبل لاہور کی انسداد دہشت گردی عدالت نے علیمہ خان کےبیٹےشاہ ریز کی درخواست ضمانت منظور کی تھی۔جس کوگزشتہ روزجیل سےرہاکردیاگیاہے۔