جنوبی کوریا:تحقیقاتی ادارے سابق صدرکوگرفتارکرنےمیں ناکام

جنوبی کوریاکےتحقیقاتی ادارےسابق صدریون سک یول کوگرفتارکرنےمیں ناکام ہوگئے۔
غیرملکی خبرایجنسی کی رپورٹ کےمطابق جنوبی کوریاکےسابق صدریون سک یول کی گرفتاری روک دی گئی،تحقیقات اداروں نےصدارتی گارڈزکی مزاحمت پرگرفتاری کاعمل روک دیا۔تحقیقاتی اداروں نے سابق صدرکےگھرکاکئی گھنٹےتک محاصرہ کیےرکھا۔صدارتی گارڈزنےتحقیقاتی اداروں کوسابق صدر کو گرفتار کرنے سےروکےرکھا۔
یادرہےکہ گزشتہ روز جنوبی کوریاکےمعزول صدریون سک کےسیکڑوں حامی صدارتی محل کے باہر جمع ہوئےتھے۔مظاہرین نےمعزول صدرکامواخذہ ختم کرکےعہدےپربحال کرنےکامطالبہ کیاتھا۔صدارتی سیکیورٹی نےوارنٹ لےکرآنےوالی پولیس ٹیم کواندرداخل ہونےسے روک دیاتھا۔
واضح رہےکہ گزشتہ سال 3دسمبرکوجنوبی کوریاکےصدریون سک یول نےمملکت میں مارشل لالگانے کے احکامات جاری کئےتھےجس سےملک بھرمیں احتجاج شروع ہوگیاتھاجس کےچندگھنٹوں بعدصدر کومارشل لاکےاحکامات واپس لینےپڑھ گئےتھے۔جنوبی کورین صدرنےاپنےاس اقدام پرعوام سےمعافی بھی مانگی تھی۔
یادرہےکہ مارشل لاکی وجہ سےکورین صدرکےخلاف مواخذےکی تحریک پیش کی گئی تھی جوکہ ناکام ہوگئی تھی لیکن مواخذےکی دوسری تحریک کامیاب ہوگئی تھی جس میں قومی اسمبلی کے300ارکان نے حق رائےدہی استعمال کیا،جس میں سے 204ووٹ قراردادکےحق میں جبکہ 85ووٹ مخالفت میں ڈالے گئے۔