جنوبی کوریا: برف باری کا 100 سالہ ریکارڈ ٹوٹ گیا

جنوبی کوریامیں برفباری کا 100 سالہ ریکارڈ ٹوٹ گیا۔جنوبی کوریا میں نومبر کے دوران برفباری کا سو سالہ ریکارڈ ٹوٹ گیا ہے۔مختلف حادثات میں 2افرادہلاک جبکہ متعددزخمی ہوگئے۔
دارالحکومت سیئول ونٹر لینڈ میں تبدیل ہو گیا۔رن وے برف میں چھپ گیا، دو سوسے زائد پروازیں منسوخ اور تاخیر کا شکار ہو گئیں، ٹرین کا پہیہ بھی جام ہو گیا، 90 فیری سروسز معطل ہو گئیں۔
مشرقی ہائی ویز پر ٹریفک حادثات میں 2 افراد ہلاک، جب کہ عمارتوں اور تعمیراتی سائٹس سے گرنے والے ملبے سے 10 راہ گیر زخمی ہو گئے۔ بجلی کی فراہمی بھی معطل ہو گئی۔
محکمہ موسمیات نے آئندہ چند دنوں میں مزید برفباری کے خدشے کے پیشِ نظر الرٹ جاری کر دیا ۔جنوبی کوریا میں اب تک 6.5 انچ تک برف پڑ چکی ، سیئول میں 1972 کے بعد یہ سب سے زیادہ برف باری ہے، 4.9 انچ برف پڑی تھی۔