جی ایچ کیوحملہ کیس:التوامانگنےپرپنجاب حکومت کے پراسیکیوٹرکی سرزنش

جی ایچ کیوحملہ کیس میں شیخ رشیدکی بریت کی اپیل پرالتوامانگنےپرسپریم کورٹ نےپنجاب حکومت کےسپیشل پراسیکیوٹرکی سرزنش کردی۔
جسٹس ہاشم کاکڑکی سربراہی میں تین رکنی بینچ نےجی ایچ کیوحملہ کیس میں شیخ رشید کی بریت کی اپیل پرسماعت کی۔پنجاب حکومت کےسپیشل پراسیکیوٹراورشیخ رشیدکےوکیل سرداررازق عدالت میں پیش ہوئے۔
پنجاب حکومت نےشیخ رشیدکی بریت کی اپیل پرشواہدپیش کرنےکیلئےوقت مانگاتوسپریم کورٹ نےالتوامانگنےپرپنجاب حکومت کےسپیشل پراسیکیوٹرکی سرزنش کردی۔
جسٹس ہاشم کاکڑ نےپراسیکیوٹرکوتنبیہ کیاکہ التومانگناہوتوآئندہ اس عدالت میں نہ آنا۔التواصرف جج ،وکیل یاملزم کےانتقال پرہی ملےگا۔
سپیشل پراسیکیوٹر نےکہاکہ کچھ ملزمان کےاعترافی بیانات پیش کرنا چاہتے ہیں۔
جسٹس ہاشم کاکڑنےکہاکہ شیخ رشیدکےخلاف کیاشواہدہیں؟
شیخ رشیدکےوکیل سرداررازق نےکہاکہ جن اعترافی بیانات کاحوالہ دےرہےوہ فائل کاحصہ ہیں۔
جسٹس ہاشم کاکڑنےکہاکہ خداکاخوف کریں شیخ رشید50مرتبہ ایم این اےبن چکےہیں۔شیخ رشیدبزرگ آدمی ہیں کہاں بھاگ کرجائیں گے۔
شیخ رشیدکےوکیل سرداررازق نےکہاکہ حکومت مہلت خودمانگتی ہےالزام عدالتوں اورملزمان پرلگاتی ہے۔
جسٹس ہاشم کاکڑنےریمارکس دئیےکہ اس عدالت میں صرف قانون کےمطابق ہی فیصلہ ہوگا۔
شیخ رشیدکےوکیل سرداررازق نےاستدعاکی کہ سماعت اسی ہفتےمقررکی جائے۔