دورہ آسٹریلیا،پاکستانی سکواڈمیں بڑی تبدیلیوں کاامکان

آسٹریلیا کے خلاف ٹی20 سیریز کیلئے پاکستان کرکٹ بورڈ (پی سی بی) نے قومی سکواڈمیں بڑی تبدیلیوں کافیصلہ کرلیا۔
رپورٹ کےمطابق آسٹریلیاکےخلاف ٹی ٹوئنٹی سیریزکےلئے قومی ٹیم کےکپتان محمدرضوان کوبنائےجانےکاامکان ہے، جبکہ فخر زمان، شاداب خان اور افتخار احمد کوٹیم میں شامل نہ کرنےکاامکان ہے۔
بائیں ہاتھ کےبلےبازفخرزمان فٹنس کاشکارہیں جس کی وجہ ان کوٹیم میں شامل نہ کیےجانےکاامکان ہے، شاداب خان کی ناقص فارم انہیں سکواڈ سے باہر کرواسکتی ہے جبکہ افتخار احمد کی شمولیت پر بھی سوالیہ نشان ہے۔
دوسری جانب پاکستان کرکٹ بورڈ (پی سی بی) انگلینڈ کے خلاف ٹیسٹ سیریز سے سینئرکرکٹرز بابراعظم، شاہین شاہ آفریدی اور نسیم شاہ کو آرام کروایا ہے۔
بورڈ کا موقف ہے کہ تینوں کرکٹرز کو ڈراپ نہیں بلکہ آرام کروایا گیا ہے تاکہ آسٹریلیا کیخلاف سیریز میں کم بیک کرسکیں۔
دورہ آسٹریلیا میں اسپنر شاداب خان کی جگہ سفیان مقیم اور مہران ممتاز کو شامل کیا جاسکتا ہے جبکہ کامران غلام، قاسم اکرم، عرفات منہاس اور یاسر خان بھی پلئینگ الیون میں جگہ بناسکتے ہیں۔