رمضان کےدوران پیپلز بس سروس کے اوقات میں توسیع کا اعلان

شہر قائد کراچی کے مسافروں کیلئے خوشخبری ،رمضان کے دوران پیپلز بس سروس کے اوقات میں توسیع کا اعلان،اوقات میں توسیع کا اطلاق آر ون، آر ٹو، آر 3، آر 4، آر 9، آر 10، اور ای وی ون روٹ پر ہوگا۔
محکمہ ٹرانسپورٹ سندھ نے رمضان المبارک میں پیپلز بس سروس کے اوقات میں توسیع کا اعلان کردیا۔ پندرہ رمضان المبارک سے بس سروس اب رات ایک بجے تک چلائی جائے گی۔ کراچی کے عوام زیادہ تر پبلک ٹرانسپورٹ پر انحصار کرتے ہیں، اوقات میں توسیع کا مقصد مزید سفری سہولت فراہم کرنا ہے،اس بات کو یقینی بنایا جائے گا کہ لوگ خریداری کے بعد محفوظ طریقے سے اپنے گھروں تک پہنچ سکیں۔
توسیع حکومتِ سندھ کی جانب سے رمضان کے دوران عوام کو بہتر اور سہولت بخش سفری آپشن فراہم کرنے کیلئے کی گئی ہے۔ حکومت ِسندھ کراچی کے عوام کی فلاح و بہبود کیلئے تمام ممکنہ اقدامات کر رہی ہے،لہٰذا امید ظاہر کی گئی ہے کہ شہر قائد کے زیادہ سے زیادہ شہری پیپلز بس سروس کی توسیع شدہ اوقات کی سروس کا بھرپور فائدہ اٹھائیں گے۔