ریل کے مسافروں کیلئے اہم خبر: ریلوے کا ٹرین آپریشن معمول کے مطابق جاری

ریل کے مسافروں کیلئے خوشخبری، ریلوے کا ٹرین آپریشن معمول کے مطابق جاری، تاہم موجودہ صورتحال کے پیش نظر پاکستان ریلویز کے آپریشنز کو ملک بھر میں ہائی الرٹ کر دیا گیا ہے۔
ترجمان ریلوے کے مطابق افواج پاکستان کی نقل و حرکت کے لیے خصوصی ٹرینیں تیار کی گئی ہیں۔
ترجمان کے مطابق ملک بھر میں ٹرین آپریشن معمول کے مطابق جاری ہے اور تمام ٹرینیں اپنے مقررہ شیڈول پر روانہ اور پہنچ رہی ہیں۔
پاکستان ریلویز کے ترجمان نےکہا ہے کہ سوشل میڈیا یا بعض ذرائع سے چلنے والی اطلاعات کہ کچھ ٹرینیں منسوخ کی گئی ہیں بالکل بے بنیاد ہیں۔
ترجمان کے مطابق لاہور سمیت تمام ریلوے سٹیشنوں سے ٹرینیں شیڈول کے مطابق روانہ ہو رہی ہیں اور مسافروں کو کسی قسم کی پریشانی کا سامنا نہیں، عوام سے اپیل ہے کہ وہ مستند ذرائع سے ہی معلومات حاصل کریں اور افواہوں پر کان نہ دھریں۔
ان کا کہنا ہے کہ آپریشن کی نگرانی اعلیٰ سطح پر کی جا رہی ہے اورکسی بھی ہنگامی صورتحال سے نمٹنے کے لیے پاکستان ریلویز کا عملہ پوری طرح الرٹ ہے۔