رینجرز پولیس نے انٹیلی جنس معلومات کی بنیاد پر مشترکہ کارروائی

پاکستان رینجرز (سندھ) اور پولیس نے انٹیلی جنس معلومات کی بنیاد پر مشترکہ کارروائی کرتے ہوئےکراچی کے علاقے اورنگی ٹاؤن قصبہ کالونی سے دوران اسنیپ چیکنگ معصوم بچوں کے اغواء میں ملوث ملزم محمد عمر کو رنگے ہاتھوں گرفتار کرلیا ۔

پاکستان ٹوڈے کی تفصیلات کے مطابق ملزم قصبہ کالونی سے 4 سالہ معصوم بچی اقرا ءکو بہلا پِھسلا کر اپنے ساتھ لے جا رہا تھا جسے پاکستان رینجرز(سندھ) نے دوران اسنیپ چیکنگ گرفتار کرکے بچی کو بازیاب کرا لیا۔

ابتدائی تفتیش کےدوران ملزم نےقصبہ کالونی سے 4 معصوم بچوں کو اغوا کر کے ناظم آباد نمبر 7میں عمران نامی شخص کو فروخت کرنے کا اعتراف کیا ہے۔

بازیاب کرائی گئی بچی کو ورثا کے حوالے کر دیا گیا ہے۔ گرفتار ملزم کو مزید قانونی کاروائی کے لئے پولیس کے حوالے کر دیا گیا ہے۔