سرکاری سکولوں کیلئے 110 ارب کے ترقیاتی بجٹ کی منظوری

طلبا و طالبات کیلئے بڑی خوشخبری ،حکومت نےپنجاب کے سرکاری سکولوں کیلئے 110 ارب کے ترقیاتی بجٹ کی منظوری دےدی ۔
38 ہزارسرکاری سکولوں میں مسنگ فسیلٹیز،اپ گریڈیشن اور دیگر بنیادی سہولیات فراہم کرنے کےلئے حکومت نےمالی سال دوہزار پچیس،چھبیس کیلئے تعلیم کا ترقیاتی بجٹ 110 ارب مختص کرنے کا فیصلہ کر لیا۔
ترقیاتی بجٹ سے پنجاب کے سرکاری سکولوں میں مسنگ فسیلٹیز کو پورا کیا جائے گا۔سکولوں میں 50 ہزار نئے کمرے بنائے جائیں گے۔72 سرکاری سکولوں کو اپ گریڈ کرکے سکول آف ایمنینس بنایا جائے گا۔سکولوں میں کلاس رومز اور فرنیچر کی کمی کو پورا کیا جائے گا۔
ذرائع کے مطابق سکولوں کی چاردیواری سمیت دیگر سہولیات کو پورا کیا جائے گا۔سکولوں میں تمام سہولیات کو نئے ماڈل کے تحت سہولیات کی فراہمی کی جائے گی۔سکول مینجمنٹ کونسلز کی منظوری سے سہولیات کو پورا کیا جائے گا۔سرکاری سکولوں کے بچوں کو بھی سکالر شپ دیئے جائیں گے۔سکولوں میں تمام بنیادی سہولیات کو 31 دسمبر 2025 تک ہر صورت پورا کیا جائے گا۔