سنگھم اگین اور بھول بھلیاں 3 کی ریلیزپرپابندی عائد

سعودی عرب میں بالی ووڈ کی نئی آنےوالی سنگھم اگین اور بھول بھلیاں 3 کی ریلیزپرپابندی عائدکردی گئی۔
بھارتی تہواردیوالی کےموقع پرریلیزہونےوالی دونوں فلموں کو سعودی عرب میں پابندی کاسامناکرناپڑاہے۔ سنگھم اگین کو ہندو مسلم مذہبی تنازعہ جبکہ بھول بھلیاں 3 کو ہم جنس پرستی پر مبنی مواد کی بنیادپرسعودی عرب میں ریلیزسےروکاگیاہے۔
بھول بھلیاں 3 اور سنگھم اگین کو سعودی عرب میں ریلیز کی اجازت نہیں مل سکی ہے اور اسے حساس مواد پر مبنی فلمیں قرار دے کر ریلیز پر پابندی عائد کردی گئی ہے۔
بالی ووڈ کی ان دونوں میگا اسٹار کاسٹ فلموں کو دیوالی کے موقع پر 1 نومبر کو بھارت سمیت کئی ممالک میں ریلیز کیا جائے گا۔
انیس بزمی کی ہارر کامیڈی فلم بھول بھلیاں 3 میں کارتک آریان کے ساتھ مادھوری، ودیا بالن اور ترپتی ڈمری شامل ہیں جبکہ سنگھم اگین میں اجے دیوگن کے ساتھ ، اکشے کمار، کرینہ کپورخان، دیپیکا پڈوکون، سلمان خان، ٹائیگر شروف، جیکی شروف، ارجن کپور اور رنویر سنگھ کام کررہے ہیں۔